15 de enero de 2014

Estimada Mª José ... recuerda que aunque a veces hay malas experiencias, nunca debes retroceder ni rendirte, quien persevera alcanza.
Joan Busquets i Verges. Exmaqui libertario del Berguedá 28/12/2013
"Muero contento, porque equivocado o no, muero por una idea" Manuel Barreiro dos días antes de ser fusilado 12/3/1939


lunes, 12 de enero de 2009

Congreso da Guerrilla Antifranquista Galega na Coruña, do 15 ao 17 de xaneiro

No ano 1936, Galiza caía nos primeiros días diante dos militares golpistas e comezaba unha fortísima represión; mais naqueles días comezaba tamén un movimento de resistencia contra o novo réxime que se alongaría por tres décadas. A historia do monumental esforzo que representou a resistencia galega contra o réxime franquista, no eido armado, político, sindical e cultural, é o obxecto deste Congreso.

O tema da guerrilla non foi esquecido na nosa historia nin na nosa literatura. Ao contrario, inspirou un bo número de investigacións dos nosos historiadores e historiadoras e tamén serviu de fío condutor de obras importantes da nosa literatura. E aínda hoxe permanece de xeito imborrable na memoria da nosa sociedade. Mais tamén ficaron na memoria colectiva os mitos creados naqueles anos escuros, dunha banda e doutra, que hoxe, coas ferramentas da investigación histórica e con novas fontes de documentación ao alcance dos historiadores, deben ser superados.

Este Congreso da Guerrilla quere dar continuidade a ese esforzo investigador e convertirse nun punto de encontro no que os investigadores poidan aportar os seus traballos sobre a resistencia galega ao franquismo dende distintos e plurais puntos de vista.

Recuperar a memoria de moitos protagonistas anónimos daqueles feitos, achegar a historia da aportación galega á resistencia antifranquista fora da Galiza, historiar a significación dos diferentes colectivos políticos e sociais, lembrar as repercusións sociais, políticas e mesmo económicas do feito guerrilleiro, son algunhas das tarefas que desexamos abordar neste Congreso.

Agardamos que a participación dos traballadores e traballadoras da historia neste Congreso poida servir para acadar eses obxectivos e tamén un outro algo máis trascendente: lembrar, recoñecer e homenaxear o esforzo e o padecemento de milleiros de galegos e galegas na resistencia contra a dictadura franquista.

No hay comentarios :

Publicar un comentario

+++++++++++++++++++++++++++++++++++++++++++++++++++++++++++++++

+++++++++++++++++++++++++++++++++++++++++++++++++++++++++++++++