15 de enero de 2014

Estimada Mª José ... recuerda que aunque a veces hay malas experiencias, nunca debes retroceder ni rendirte, quien persevera alcanza.
Joan Busquets i Verges. Exmaqui libertario del Berguedá 28/12/2013
"Muero contento, porque equivocado o no, muero por una idea" Manuel Barreiro dos días antes de ser fusilado 12/3/1939

sábado, 9 de mayo de 2009

Homenaxe á Cidade da Liberdade. "Os libros arden mal" de Manuel Rivas. A Coruña

Os libros arden mal

TEATRO ROSALIA CASTRO (A coruña)

Sábado 23 de maio 2009, ás 20.30

(Entrada libre)

O MONTE DO FARO

A vinte e seis millas de luz

navegan os mortos

que non queren ser tristes.

Andan polo mar ás ceibas

o andar de Charlot,

cunha bandeira de 26 millas náuticas de luz.

Os libros arden mal
Literatura, música e memoria

A boca da literatura e a da canción, as palabras e a música, a poesía e os tangos, entrelazan e levedan nunha conmoción sen tregua sobre o escenario. A fonte que inspira este encontro é a novela Os libros arden mal*, de Manuel Rivas, que ten por escenario a cidade da Coruña. Desta obra, co gallo da súa publicación en Francia, o xornal Le Monde dixo que provoca no lector “emoción, asombro, marabilla e pracer”.

O punto de arrinque desta “historia dramática da cultura” é un feito real, o da queima de libros que tivo lugar en agosto de 1936 nas proximidades da dársena coruñesa. Aquelas fogueiras tentaban queimar para sempre o corazón libertario da cidade. Porque se hai unha esencia fundacional da Coruña é o amor pola liberdade.

Fronte a esa pulsión totalitaria, que trata de controlar o poder as mentes, resiste e xermola a enerxía do desexo e a re-existencia, a que se expresa a través da literatura, a música e a memoria das que o historiador Ranahit Guha chamou as “voces baixas” ou silenciadas da humanidade.

Esta posta en escena conta coa participación de: Manuel Rivas (narrador), Marcos Meléndrez (voz tangos), Gastón Rodríguez (guitarra), Pulpiño Viascón (voz, gaita, serrucho). Está prevista a participación doutros músicos invitados.

*Os libros arden mal foi premio da Crítica galega e da Crítica española. Foi tamén premiada polos asociacións de libreiros, editores e escritores de Galicia. Por votación dos libreiros, foi premio da Feira do Libro de Madrid. Publicada orixinalmente en galego, vén de ser traducida ao castelán, catalán, francés, italiano e holandés e proximamente será publicada en inglés.

+++++++++++++++++++++++++++++++++++++++++++++++++++++++++++++++

+++++++++++++++++++++++++++++++++++++++++++++++++++++++++++++++